Sunday, January 4, 2009

ഭാഗം 2

എന്റെ ഇഷ്ടങ്ങള്‍ എന്നുമേട്ടനെശല്യപ്പെടുത്തി.
ഏട്ടന്റെ വസ്ത്രങ്ങളെടുത്ത് ധരിച്ച് ഞാന്‍
ഒരാണ്‍കുട്ടിയാകാന്‍ വൃഥാശ്രമം നടത്തി
അവിടെയും പരാജയപ്പെട്ടു!

പിന്നെയാണെന്റെക്ലാസിലെ വിശ്വനാഥന്‍
എന്റെ കൂട്ടുകാരനായത്.എന്റെഅടുക്കലി
രിക്കുന്നവിശ്വന്‍ നല്ലനിക്കറും ഷര്‍ട്ടുംധരിച്ച്
എന്നും ക്ലാസ്സില്‍ വരും .എന്തോരുമണം;
ഒരുദിവസം അവന്‍ അതുപറഞ്ഞു,
അതൊക്കെ പേര്‍ഷ്യന്‍ തുണിയാ...അവന്റെ
അച്ഛന്‍ പേര്‍ഷ്യയിലാ,ഞാന്‍ എന്നും
അവന്റെ ഒപ്പം നടന്നു.സ്ലേറ്റുപെന്‍സിലിന്റെ
യും മഷിത്തണ്ടിന്റെയും മണമുള്ള ആകാലം,
എന്റെ ജീവിതത്തില്‍ പേര്‍ഷ്യന്‍ മണവും
സമ്മാനിച്ചു!

സ്കൂള്‍വിട്ട് ഒരുമിച്ചുനടന്ന് വീട്ടില്പോകുന്ന
ഞങ്ങളെക്കണ്ടമുതിര്‍ന്ന പെണ്‍കുട്ടികള്‍
അടക്കം പറഞ്ഞു ചിരിച്ചു.കളിയാക്കി.
മൂന്നാംക്ലാസ്സുകാരായഞങ്ങള്‍ അതുകണ്ട്
കൂടെച്ചിരിച്ചു.ഇതുപതിവായപ്പോള്‍ പിന്നെയും
ഉണ്ടായിസ്ഥിരം പല്ലവി;അതുപക്ഷേ,അമ്മയുടെ
വകയല്ലയെന്നുമാത്രം!

അടുക്കളക്കാരി ജാനുഒരു ദിവസം കണ്ണുതുറിച്ച്
എന്നോട് കയര്‍ത്തു.സ്കൂള്‍വിട്ട് വിശ്വന്റെകൂടെ
കൈകോര്‍ത്ത് വാതോരതെസംസാരിച്ചുവന്നഞാന്‍
പെട്ടെന്ന് അതുകേട്ട് പൊട്ടിത്തെറിച്ചു.

കൊച്ചെ,എന്തായിത് .ആമ്പിള്ളേരാ കൂട്ട്?
കൊച്ചിനുമാത്രമെന്താഎല്ലാത്തിനുമൊരുപൊല്ലാപ്പ്
പെണ്‍പിള്ളാരെആരുംകിട്ടീല്ലേ?ഒരുകൂട്ട്!
കൊച്ചിലേ ചൊല്ലിക്കൊടുത്തുവളര്‍ത്തണം....
ജാനു മെല്ലെപ്പറഞ്ഞുഒന്നുഇരുത്തിമൂളി!
വിശ്വന്‍ എന്റെകൈവിട്ട് അര്‍ത്ഥമറിയാതെ
മിഴിച്ചുനിന്നു.ഞാന്‍ കേട്ടുതഴമ്പിച്ചകാതുകളില്‍
ഒന്നുംകേല്‍ക്കാത്ത ഭാവംനടിച്ചു.

ഉപദേശവുംകഴിഞ്ഞു ചന്തികുലുക്കിനടന്നു
പോകുന്ന ജാനുവിനെ ഞാന്‍ തിരിഞ്ഞു
നോക്കിനിന്നു.കണ്ണില്‍നിന്നുമ്മറയുന്നതുവരെ.
എന്റെകണ്ണില്‍ജാനുവിന്റെ വാക്കുകള്‍
അപ്പോള്‍ മറഞ്ഞുനിന്നു;പക്ഷേ ജാനുവിന്റെ
പുറംഭാഗം മാത്രം മറയാതെനിന്നു.
ഞാന്‍ കണ്ണന്‍ മാഷിനെഓര്‍ത്തു.മാഷ്കണ്ടിരു
ന്നെങ്കില്‍ ഇപ്പോള്‍ ചീത്തപറഞ്ഞതിന് ജാനു
വിന്റെ ചന്തിയ്ക്ക് നല്ലപെട കിട്ടിയേനേ!

ഭൂമികുലുക്കിനടന്ന്പോകുന്നജാനുവിന്റ്
പിറകേ സൈക്കിളില്‍ പായുന്ന പത്രക്കാരന്‍
പെട്ടെന്ന് സൈക്കിളില്‍ നിന്ന് ഇറങ്ങി
നടന്ന് പോകുന്നു.എന്തുപറ്റി?സൈക്കിള്‍
പഞ്ചറായോ?ഞാന്‍ അവിടെത്തന്നെനിന്നു!

ജാനുവിന്റെ കൂട്ടുകാരനായിരിക്കുംഅല്ലേ?
ജാനൂനെകുറ്റം പറയാന്‍ ആരുമില്ലല്ലോ?
മുതിര്‍ന്നവര്‍ക്ക്എന്തുമാകാമല്ലോ?അല്ലേ?
ഞാനുംമുതിര്‍ന്നിരുന്നെങ്കില്‍!
ആദ്യമായിഎന്റെകുട്ടിക്കാലത്തെആദ്യത്തെ
മോഹംഞാന്‍,കണ്ടെടുക്കുകയായിരുന്നു!

തുടരും..

2 comments:

മാറുന്ന മലയാളി said...

വളരെ വളരെ ഇഷ്ടപ്പെട്ടു..........

SreeDeviNair said...

മലയാളി,
വളരെ നന്ദി..

സസ്നേഹം,
ചേച്ചി.