അവള് യുവതിയായിരുന്നു.വ്യഭിചാരിയുമായിരുന്നു.
വ്യഭിചാരത്തിന്റെ തോതു കൂടുംതോറും ആസക്തിയും
കൂടിക്കൂടിവന്നു.ഒരിക്കലും മതിവരാത്ത സംഭോഗത്തിന്റെ
ഓര്മ്മകളില് അവള് ഇരയെത്തേടി തളര്ന്നുകൊണ്ടേയിരുന്നു.
ഭാര്യയാണെന്നും,അമ്മയാണെന്നുമറിഞ്ഞുകൊണ്ടുതന്നെ
കാമപരവശരായ കാമുകന്മാര് അവളെ സമീപിച്ചു.അതില്
അല്പവും ലോഭം കാട്ടുവാന് അവള് തയാറായില്ല താനും!
വ്യഭിചാരത്തിന്റെ അളവുകോല് ഏതെന്ന്നിര്വ്വചിക്കാനാവാതെ പലരാത്രികളിലും അവള് സ്വയം അവളോടുതന്നെ സംശയനിവാരണം നടത്താനും മടിച്ചില്ല!
നാടായ നാട്ടിലും,കാമഭ്രാന്തന്മാരിലും കാണാത്ത കാമം
എങ്ങോട്ട് ഒഴുക്കിക്കളയണമെന്ന റിയാതെ അവള്
പരവശയായിത്തുടങ്ങിയ കാലത്താണ്.......പ്രണയപരവശനായ കഥാനായകനെ കണ്ടു മുട്ടിയത്!
കവിയെക്കണ്ടുമുട്ടിയ യുവതി പിന്നെ കാമം തീര്ത്തത്
അക്ഷരത്തോടായിരുന്നു.
മാസമുറയുടെചോരവാര്ന്ന മലിനവസ്തു,അക്ഷര ത്താളുകളില്
പൊതിഞ്ഞ്തിഞ്ഞ്അവള്പൊതുനിരത്തിലുപേക്ഷിച്ചു.
കാമവെറിയുടെകവിത കള് കൊണ്ടവള്മനസ്സ് നിറച്ചു.
ദുര്ഗന്ധം സഹിക്കാനാവാതെ
ജനം മൂക്കുപൊത്തി.
അതിലും അവസാനിക്കാത്ത അവളുടെ കാമതാപം
സിരകളില് പതഞ്ഞുപൊങ്ങി .
ഏതോജന്മത്തിന്റെ ശാപം പേറിയ വഴിവിട്ട ബന്ധത്തിലും
വഴിതെറ്റിയ യുവതി മറ്റൊന്നുമറിയാതെ വീറോടെ
പൊരുതിക്കൊണ്ടേയിരുന്നു.
അക്ഷരവ്യഭിചാരത്തിന്റെ ആരംഭം അവിടെ തുടങ്ങുകയായിരുന്നു!
-----------------------------------ശ്രീദേവിനായര്